ചിലന്തി

ലോകത്താകെ ഏതാണ്ട് 40000 ഇനം ചിലന്തികൾ ഉണ്ടെന്നാണ് അനുമാനം.  അന്റാർട്ടിക്ക ഒഴികയുള്ള എല്ലാ ഭൂഖണ്ഡങ്ങളിലും ചിലന്തിയെ കാണാം.  വളരെ കുറച്ച് ചിലന്തികൾ മാത്രമാണ്  വിഷമുള്ളത്.  എന്നാലും ചിലന്തി കടിച്ചുള്ള മരണം അത്യപൂർവ്വമാണ്.  ചിലന്തിയെക്കുറിച്ചുള്ള പേടിയ്ക്ക് arachnophobia എന്ന് പറയും. ഒരടിയോളം നീളമുള്ള കാലുകളുള്ള  Tarantulas എന്നയിനം  ചിലന്തികൾ  ചെറു പക്ഷികൾ, എലികൾ മുതലായവയെ ആഹാരമാക്കാറുണ്ടത്രേ. ഇവയുടെ കാലുകളിലെ രോമങ്ങൾക്ക് പറന്നു പോകുന്ന പ്രാണികളുടെ ചലനങ്ങൾ ഗ്രഹിക്കനുള്ള കഴിവുണ്ട്. ചിലന്തികളുടെ ആയുസ്സിനെ കുറിച്ച് കൃത്യമായ വിവരങ്ങളൊന്നുമില്ല.   അനുകൂല ചുറ്റുപാടിൽ അനേക വർഷങ്ങൾ ഇവ ജീവിക്കുമത്രേ.  ചൈനയിൽ മാംഗ്-സുൻ രാജവംശത്തിന്റെ കാലത്ത് തൊട്ട് ‘വിശുദ്ധ ചിലന്തികൾ’ എന്ന് കരുതി ഇപ്പോഴും പരിപാലിച്ചു വരുന്ന ചിലന്തികൾക്ക് ഏതാണ്ട് 2800 വർഷത്തെ ആയുസ്സുണ്ടത്രേ.  അന്തരീക്ഷമർദ്ദത്തിന്റെ വ്യതിയാനങ്ങൾ  വളരെയേറെ അതിജീവിക്കാൻ കഴിയുന്ന ജീവിയാണ് ചിലന്തി.  ഇതുവരെ കണ്ടുപിടിക്കപ്പെട്ടവയിൽ ഏറ്റവും വലിയ ചിലന്തിയ്ക്ക് 8 അടി നീളമുള്ള കാലുകളും 530 പൗണ്ട് (240 കിലോഗ്രാം) തൂക്കവുമുണ്ട്.  ഇണചേർന്നയുടനെ തന്നെ ചില പെൺ ചിലന്തികൾ ഇണയെ കൊന്നു കളയുമത്രേ.  ഒറ്റത്തവണ ചിലന്തി 2000 മുട്ടകൾ വരെ ഇടാറുണ്ട്. 

1970കളിൽ സ്കൈലാബ് എന്ന ബഹിരാകാശ വാഹനത്തിൽ ഗുരുത്വാകർഷണമില്ലാത്ത അവസ്ഥയിൽ അവ വലനെയ്യുന്നത് പഠിക്കാൻ പരീക്ഷണാർത്ഥം ചിലന്തികളെ ബഹിരാകാശത്തേയ്ക്ക് അയച്ചു.  സംഗതി വിജയിക്കുകയും ചെയ്തു.  ഗുരുത്വാകർഷണമില്ലാത്ത അവസ്ഥയിലും അവ വല നെയ്തു.  അതിന്റെ തുല്യ തൂക്കത്തിലും അളവിലുമുള്ള ഉരുക്ക് കമ്പിയെക്കാൾ ബലമുള്ളതാണ് ചിലന്തി വല. 

റോബർട്ട് ദ് ബ്രൂസ്

ക്രിസ്തുവർഷം 1306 മുതൽ 1329 വരെ സ്കോട്ട്‌ലന്റ് ഭരിച്ചിരുന്ന റോബർട്ട് ഒന്നാമനാണ് ‘റോബർട്ട് ദ് ബ്രൂസ്’(Robert the Bruce) എന്ന് അറിയപ്പെട്ടിരുന്നത്.  സ്കോട്ട്‌ലാന്റ് ഭരിച്ചിരുന്ന രാജാക്കന്മാരിൽ പ്രമുഖനും, ഇംഗ്ലണ്ടിൽ നിന്നും സ്കോട്ട്‌ലന്റിന് സ്വാതന്ത്ര്യം നേടിയെടുക്കുന്നതിൽ  പ്രധാന പങ്കു വഹിക്കുകയും ചെയ്തു റോബർട്ട് ഒന്നാമൻ.  ഇന്നും സ്കോട്ട്‌ലന്റിന്റെ ആരാധനപുരുഷന്മാരിൽ പ്രധാനിയാണ് റോബർട്ട് ഒന്നാമൻ.

            റോബർട്ടിന്റെ ജീവിതത്തെക്കുറിച്ച് രസകരമായ ചില കാര്യങ്ങൾ പറഞ്ഞുകേൾക്കുന്നുണ്ട്.  റോബർട്ട് ഡി ബ്രൂസിന്റെയും (Robert De Bruce) മർജോറിയുടെയും  പുത്രനായാണ് ഇദ്ദേഹത്തിന്റെ ജനനം.  കാറിക്ക് പ്രവിശ്യയിലെ ഭരണാധികാരിയുടെ മകളായിരുന്നു മർജോറി.  റോബർട്ട് ഡി ബ്രൂസിൽ ആകൃഷ്ടയായ മർജോറി, തന്നെ വിവാഹം കഴിക്കാൻ സമ്മതിക്കുന്നതുവരെ റോബർട്ടിനെ തടവിൽ പാർപ്പിച്ചുവത്രേ.  തുറന്ന് അദ്ദേഹം കാറിക്ക് പ്രവിശ്യയുടെ ഭരണാധികാരിയായി (Earl of Carrick).  അദ്ദേഹം 1306 മുതൽ 1329 വരെ സ്കോട്ട്‌ലാന്റ് ഭരിച്ചിരുന്നു.  തുടർന്ന് നിരവധി യുദ്ധങ്ങളിൽ പരാജയപ്പെട്ട ശേഷം ഇംഗ്ലണ്ടിൽ നിന്നും സ്വാതന്ത്ര്യം നേടി.  മരണാനന്തരം  അദ്ദേഹത്തിന്റെ ഹൃദയം മെ്രോസ് അബ്ബിയിലും മറ്റുശരീരഭാഗങ്ങൾ ഡൺഫേംലൈൻ അബിയിലുമാണത്രേ അടക്കം ചെയ്തത്.